Ânifen zikr olunduğu üzere baʿde'l-mükâleme Rusya elçisinden birkaç defʿa baş tercümânı gelüp lâ ve naʿam cevâbını istihsâl ve ifâte-i zemân kasdıyla maslahatı teʾhîr mûcib-i harb ü kıtâl olacağını tasrîh etmekle ihtiyâr-ı selm ü harb zımnında umûm meşvereti lâzım gelüp ehl-i meşveretin baʿzısı tafsîl-i hâle gayr-i vâkıf olduğuna binâen husemâ-i dîn ü devletin taʿaddî ve hazînenin fıkdânı ve bâ-husûs askerî tâ'ifesinin adem-i râbıtaları ve sâir esbâb ve ilel ve ârıza ve halel ale't-tafsîl bir kâğıda ihrâc olunup kable'l-meşvere (77-a) kırâʾat olunmak içün âmâde ve istîzân sûretinde atebe-i ulyâ-yi hüsrevâneye arz u ifâde olunup ruhsat-ı hümâyûn erzânî ve ol-bâbda sâdır olan hatt-ı şerîf-i cihân-bânî gāyet-i tehdîdi mutazammın ve envâʿ-i hikemi mütebeyyin olmağla işbu mahalle kayd olundu.