Benim vezîrim, gayri bu dinsizin cevâbına mümâşât mahzûru derkâr ve olmaz denildikde dahi sefer tahakkuk eder ne tedbîr olunur ise yine arz edesin, ben size hezâr be-hezâr kerre yazdım olur-olmaz makūlesini dâhil-i meşveret etdirmeyin deyû âhir-i kâr iş ayân oldu. Bizim devletimizin yâdigârları düvel-i nasârânın ricâlleri gibi hayırlu değillerdir. Zâhirde meclis-i şûrâda olan cevâbları mecmûʿu şâyiʿ etmişdir. Şimdi ne gûne tedbîre muhtâc ve mersûm elçiye ne cevâb verilmelü, iş bundadır ve haberi matlûbumdur. انتهى الحط السلطاني