Levâzımât-ı seferiyyenin ceste ceste me'mûrlar taraflarına îsâli lâzıme-i hâlden olduğuna binâen hîn-i hâcetde iktizâ edenlere ilbâs ve iksâ ve ru'ûs-ı şücaʿân-ı muvahhidîn ve mefârık-ı guzât-ı müslimîni pür-zîb ü behâ etmek zımnında işbu mâh-ı Muharremü'l-harâmın sekizinci günü İsmâîl cânibi seraskeri olan Abdî Paşa ve Sofya'da başbuğluk ile mukîm İsmâîl Paşa ve müceddeden vezâret ihsâniyle Silistre'de ikāmete me'mûr oldu. Bekir Paşa hazerâtına otuzar hilʿat ve üçer yüz çelenk tisyâr ve her birine hufyeten başka başka emirler tahrîr ve ısdâr olundu.