Moskovlu'nun Nemçe ile olan ittihâd ve yek-diğer ile olan muʿâzâdâtı ve dâimâ Kırımlı ve Tatar beynine muʿâdât ilkāsında netîce-pezîr olan mekr ü keydi bir takrîb Kırım'a müstevlî olmak kasd-ı fâsidine mebnî olduğu evvel ve âhir ezhâna mütebâdir olan keyfiyyâtdan olduğuna binâen bu defʿa ağrâz-ı kâminelerin i'lân ve izhâr ve îstâde-i kemingâh-ı intizâr olan leşker-i nühûset-eserlerin hıtta-i Kırım'a idhâl ve nâire-i cevr ü zulmü iş'âl ve hân-ı cedîd ve birâderlerini habs ü tazyîk ve Kırım ahâlisinden olup salâbet-i dîniyye iktizâsiyle hevâlarına tâbi' olmayanları katl ü i'dâm edildikleri dahi vâsıl-ı rütbe-i tahkīk olup bî-esâs u mesâs özür îrâdiyle Devlet-i aliyye'ye nakz-ı ahdi isnâd ve külliyen bu defʿa Kırım'a müstevlî olduklarını mutazammın Dîvân-ı hümâyûn'da mukayyed olan beyân-nâmelerini neşr-i bilâd eylediler.