Elçi beyler dostlarımızın devletleri câniblerinden me'mûren takdîm eyledikleri iki kıt'a takrîrleri Devlet-i aliyye'nin manzûru olmuşdur ve dostluk ve ıslâha saʿy ü ihtimâmlarından Devlet-i aliyye'nin memnun olduğunda iştibâh olunmaya. Kaldı ki Rusya Devleti'nin iştikâ eylediği maddeleri iki cânibden alınıp verilen ahid-nâmeler şerâitine tatbîk ve tevfîk ederek hall ü tanzîm husûslarında Devlet-i seniyye'nin bir türlü tereddüd ve muhâlefeti olmadığı ve safvet-i kâmile ile vikāye-i şurût-ı silm ü musâfât emrinde dakîka fevt etmedi ve etmeyeceği elçi beyler dostlarımızın maʿlûmları olmak içün taraf-ı Saltanat-ı seniyye'den işbu takrîr-i dostâne verilmiştir.