Defterdâr-ı vakt bulunan Hasan Efendi lâübâlî-meşreb ve tavrı bü'l-aceb bir kimse olup [Mısraʿ]: "يعطي ويمنع لا بخلا ولا كرما" mefhûmuna mâ-sadak ve emvâl-i mîrîde olan cerh ü taʿdîli dahi kānûn-ı akla gayr-i evfak olduğundan gayri âm-ı mâzîde ihrâc olunan mevâcibde zuhûr eden kusûru bâʿis-i güft ü gû-yi sipâh olduğu dahi bâlâda nigâşte-i sahîfe-i tahrîr ve bu esbâb ile azli cây-gîr-i zamîr olmuşidi. Defterdâr mektûbcusu olan El-hâc Mustafa Efendi'nin fenn-i defterîde olan mahâreti gûş-zed, veliyy-i devlet ve şehr-i mezkûrun onaltıncı günü şıkk-ı evvel defterdarlığiyle vâsıl-ı ser-menzil-i rifʿat oldu.