Rakka Eyâleti ile dâhil-i silkü'l-le'âl ve vüzerâ-yı izâm olan Mustafa Paşa'ya tevkīʿîlik tevcîhi ile (92b) Âsitâne-i saʿâdet'te ikāmeti irâde ve Şâh Sultân'ın müşârünileyhe akd olunması karâr-dâde ve işbu şehr-i Ramazân'ın onuncu hamîs günü şeyhülislâm efendi ve sâir huzûrları muʿtâd olanlar Saray-ı hümâyûn'a da'vet olunup Mustafa Paşa tarafından tertîb olunan nukūd ve cevâhir ve şekerleme ve müteʿaddid nahl dahi tevârüd etmiş bulunmağla vakt-i muhtâr hulûlünde şeyhülislâm efendi tarafından emr-i mesnûn akd-i temhîd ve şevher ve arûs taraflarından ihzâr olunan kürkler ilbâsiyle izz ü rifʿat tarafeyn bâlâ-ter ve mezîd kılındı.