Yirmiyedi târîhinden beri Ramazân-ı şerîfde tertîb-i dîvân mesbûk olmayup istînâf-ı tavr-ı kadîm hâtır-güzâr-ı sâhib-ı tâc ü dîhîm olup, dîvân-ı âlîde çaşni-yâb-ı lezâ'iz-i etʿime olanlar hân-ı vâsiʿü'n-nevâl-i şehen-şâhîden hisse-mend olmak dahi matlûb olduğuna binâen kul tâ'ifesine Dilber kaçan ki nâz ile düşnâm-ı ter verir İftâr vakti ağıza söğüşten hayır verir. Ma'nâsından münbaʿis katı çok söğüş ve nân ihzâr ve herkes hissesini iftara saklamak ve sâ'ir erkân-ı devlet dahi dîvân taʿâmlarını konaklarına göndermek tertîbâtı istikrâr bulup tevzîʿ-ı mevâcib akabinde bu resm-ı mergūb icrâsıyla celb-ı kulûb kılındı.