Mevsim-i şitâ hayyiz-i resân gāyet ve basît gayr-i envâʿ-i ezâhir ü nebâtât ile nümûne-nümâ-yi sahn-ı cennet olup aşk-ı şâhid-i gül, ârâm-rübâ-yi bülbül ve hevâ-yi serv-i ser-âzâd, fâhte-i bî-nevâye sebeb efzâyiş-i dâd u feryâd olup çeşm-i nergis, dîde-i nîm-mest-i hûbâne meşâkil ve safahât-i zerrîn ve cennât-ı erbâb-ı levʿat ve muhabbete muʿâdil sünbül-i ham der-ham şebîh-i zülf ü perçem ve lâle-i sürh-fâm revnak-şiken-i câm-müdâm olup, verd-i mutarrâ ahmer-i fânî-i ruhsârdan hacil ü şerm-sâr ve nesîm-i urd-ı behişt-mânend kâkül-i hûbân-ı anber-rîz ü müşg-bâr olup velhâsıl أحيا الربيع الأرض بعد مماتها وحلا بسكب القطر عود نباتها والزهر قد ألقى النثار كأنما أدت كنوز الأرض بعض زكوتها وحكت جداولها خلاخيلا وقد اضحى خرير الماء من رناتها maʿnâları hâtır-ı feyz müzâhir-i mülûkâneden cilve-ger olup mâh-ı mezkûrun onaltıncı ve mâh-ı eyârın ikici Charşenbih'de Beşiktaş Sarayı'na nakl ü hareket ve istinşâk-ı nefehât-ı bahar ile kesb-i tarâvet buyurdular.