İstanbul Kādısı Abdülvâhid Efendi tekmîl-i eyyâm-ı hükûmet ve ulemâ-yı aʿlâmdan Müftîzâde Ahmed Efendi işbu Rebîʿülevvel'de bâ-rütbe-i Anadolu İstanbul kādılığıyla kesb-i rifʿat eyledi. Ketebe-i aklâm vaktiyle kalemlere gelmemekle ashâb-ı hâcet ve inkızâsı mühimm olan mesâlih-i devlet resîde-i hayyiz-i te'hîr-i utlet olduğuna binâen bundan akdem vaktiyle kaleme gelüp gitmeleri bâbında katʿiyyü'l-medlûl buyuruldular, tahrîr olunmuş idi. Bir mâh kadar bu üslûb üzere îb ü zâhib ve ke'l-evvel bî-vakt hareket ile taʿtîl-i umûr ettikleri sâmiʿa-res-i sadr-ı vâlâ menâkıb olduğuna binâen mukaddemâ sâdır olan emr-i âlî tecdîd ve vaʿd ü vaʿîd ile tekîd olundu.