Bi-atebe-i hazret-i şehriyârî sekseniki tarihinde vukūʿ bulan sefere Lehlü tâifesi sebeb ve illet ve Moskovlu'nun memleketine tamaʿı olduğunu hiss ile çâre-cû-yi defʿ-i mazarrat olmuşlar idi. (75b) Musâlaha akabinde nevbet kendülere geleceğini tefehhüm ve Devlet-i aliyye'ye kemâkân istizhâr ve defʿ-i tevehhüm etmek endişeleriyle bu defʿa der-i devlet-medâra elçi irsâl ve taraf-ı devletten dahî sefîr ibʿâsmı niyâz ile izhâr-ı fürûtunu ve istizlâl eylediklerine binâen işbu Saferülhayr'da ihrâc olunan mevâcib günü sefîr-i mesfûr hediye ve nâmesini takdîm ve hâk-i atebe-i şahaneyi telsîm edüp, tekîd-i sulh-i kadîm zımnında Kesriyeli hafîdi Nûman Bey orta elçilik ile taʿyîn ve başmuhasebe pâyesiyle binâ-yi iʿtibârı tezyîn olundu.