Şevvâlülmükerrem'in yedinci günü tevcîhât vâkiʿ olup hademe-i Bâbıâlî ve menâsıb-ı dîvâniyenin ekserisi ibkā olunup, fakat nişancılık sâbıka sadrıazam kethüdâsı Elhâc Mustafa Efendi'ye ve çavuşbaşılık Ahmed Nazîf Efendi'ye ve büyük rûznâme Nâilî Birâderi Vahdetî Ebubekir Bey'e ve baş muhâsebe İbrâhim Münib Efendi'ye ve arpa emâneti İspir Ağa'ya ve cizye muhâsebesi Rifat Ahmed Bey'e ve teşrîfâtcılık Enverî Efendi'ye tevcîh olunup mansıbından mahrûm olan hâcegân-ı dîvânın ekserisi mazhar-ı atiyye ve inʿâm ve zuhûr-ı hall-i ilâhî mevâʿidiyle şîrîn-kâm oldular.