Vezîriazam Tersâne-i âmire ahvâline vukūf içün taraf-ı hümâyûndan istîzân ve tahsîl-i ruhsat akabinde mahall-i mezkûre revân ve kapudan paşa ile mahzenleri seyr ü temâşâ ettikten sonra iki kıtʿa fırkateyn inşâsını emr ü fermân edüp İznikmid'de katʿ ve tersâneye îsâl oluna gelen kerestelere, kâtibi olan Ârif Efendi "gâh kebîr gâh kasîr” diyerek ahâliyi tazyîk eylediğini sadr-ı müşârünileyh hazretleri tahkīk edüp tersâneye elverecek keresteleri nezâret eyleyerek katʿ ve îsâl maʿrazında tersâneden vücûdu istiskāl ve hemen o gün İznikmid tarafına irsâl olundu.