Baʿzı zî-mâl olan sefele-i nâs tezyîn-i câme ve libâs ile kibâr-ı devlete taklîd ve pâdâşları olan zaʿîfü'l-yed kimseler dahi baʿzı irtikâbât ile o makūleler teşebbüh için mübtelâ-yi kedd-i şedîd olup giderek eşyâ-yi nefîse girân-kadr ü kıymet ve husûlü muhtâc-ı külfet olduğundan başka sarf olunan mâl eyâdî-i ecânibe intikal edüp, Devlet-i aliyye'ye fâidesi mümteniʿ ve hakīkate nazaran mazarratı devlete râciʿ olduğunu evliyâ-yı umûr tefekkür ve tahayyül ve bu fesâdâtın refʿi bâbında ser-ber-âverde-i tefekkür ve te'emmül olduklarına binâen fî-mâ-baʿd ehl-i hirfet ve hademe makūlesi semmûr ve vaşak ve kākum ve emtiʿa-i Hindiyye ve Halebiyeden menʿ ü zecr ve mütenebbih olmayanları mazhar-ı pâdişâh-ı bahr u ber olacakları lâzım gelenlere tenbîh ve bu vesîle taʿyîn-i hadd-i nebîh ü sefîh kılındı.