Yeniçeri ağası olan Turnacızâde Ahmed Ağa selefi gibi sadrıazam hazretlerini daʿvet ve arz-ı firûtenî ve ubûdiyyet edüp sadr-ı nevâziş-mend Ağa-kapısı'na sevk-i semend edüp tefrîh-i kulûba bâdî olan sâz u âvâz istimâʿından sonra tenâvül-i etʿime-i gûnâ-gûn (46b) ve bu maslahat dahi hitâma makrûn oldukta ağa-yi mûmâileyh arz-ı tefârîk ve hedâyâ ile resm-i ubûdiyeti icrâ ve bu mukābelede sadr-ı âlî-kadr hazretleri dûş-i istihkākına bir sevb-i semmûr iksâ ve saray-ı âlîlerine irhâ-yı inân-ı esb-i bâd-pâ eylediler.