Lâleli Câmiʿi şeyhi olan Mardînî Halil Efendi me'lûf-ı hirfet-i cerr ve harîs-i iktinâ-yi sîm ü zer bir şahs-ı sebük-ser olup sadr-ı vakt Derviş Paşa hazretleri tarafından me'mûlü derecesinde mükerrem olmadığından kürsîlerde ber-vech-i îhâm ve kinâyet-i hevâ vü hevesinden bahse cesâret edüp ve lil-hîtâni âzân mefhûmu üzere bu keyfiyet sâmiʿa-res-i sadr-ı vâlâ-şân olunmuşidi. Şehzâde-i civân-baht lâyık-ı tâc ü taht olan Şehzâde Sultan Selîm hazretlerine kürsîlerde âğâz-ı duʿâ ve devâm-ı ömrü zımnında dest-güşâ-yı cânib-i mele-i aʿlâ olduğunu sadr-ı müşârünileyh ʿatebe-i hazret-i pâdişâhîye inhâ ve leyâli-i regā'ibin birinde enderûn-ı hümâyûnda bulunup akīb-i vaʿz u tezkîrde bu maʿnâ-yı mü'eyyed baʿzı taʿbîrât vâsıl-ı semʿ-i eşref-i şehriyârî olduğu kavl-i evveli mü'ekkid olmağla şeyh-i mezkûrun mahalli hakk u ilgā ve maskat-ı re'si olan Mardin'e nefy-i ebed sûretinde iclâ olundu.