Birkaç seneden beri mesned-i riyâset-i zât-ı cemîlü's-sıfatiyle kesb-i zînet eden Râif İsmâil Bey'in kâffe-i harekâtı muvâfık-ı kānûn-ı akl ü hûş ve tedbîr-i mülk ve tasarruf-ı umûrda Eflatun ile hem-dûş olup nekāvet-i bâl iktizâsiyle sadrıazama sevk ettiği sütûde-i a'mâl-i enefe ve nahvet-i sadâret sebebi ile tabʿına îrâs-ı nefret ü melâl edüp kurenâsı dahi mîr-i mûmâileyhin nüfûz ve iʿtibârına hased ve hakkında dâimâ si'âyet ile gayz-ı derûnunu eşedd etmeleriyle müşârünileyhin azlini ızmâr ve her maddede muhâlefetini serd ile istihdâmında aczini vicâhen arz-ı huzûr-ı şehriyâr-ı bülend-iktidâr edüp azline me'zûn ve iş bu Cumâdelâhire'de Kıbrıs'a nefy ü tağrîb ile râyet-i ikbâlini (43b) ser-nigûn edüp Âtıfzâde Ömer Vahîd Efendi'yi hidmet-i riyâsetle Babıâlî'ye takrîb ve üzerinde bulunan nişancılık mansıbı ile kethüdâ-yi sâbık Esseyyid İbrâhim Efendi'yi tatyîb eyledi.