Sırrı Selim Efendi tersâneye emîn ve sadâkat ve istikāmeti müstebîn iken sadrıazam hazretlerinin mûmâileyhe ez-kadîm hüsn-i zannı olmadığımdan tekdîrini irâde ve itlâf-ı mâl-i mîrî ettiğini bâ-telhîs taraf-ı hümâyûna ifade edüp azli karâr-dâde ve Saferülhayr'da selefi Mustafa Efendi tersâne emânetine taʿyîn ve kendüsü hânesinde uzlet-nişîn olmuşidi. Sadr-ı müşârünileyh hazretleri azline adem-i kanâʿat ve cânib-i mîrî ile kesret-i dâd ü sitedi olup zimmetinde terâküm-i mâl ihtimâliyle hesabını rü'yet ettirüp zimmetinde mîrînin bir akçesi zuhûr etmediği, mûmâileyhin sadâkatini te'yîd ve sadr-ı vaktin şerm ü hacâletini ber-mezîd eyledi.