Mâh-ı mezbûrun yirminci Cuma gecesi sulb-i pâkize-i hazret-i tâcdârîden bir duhter-i bülend-ahter nûr-pâş-ı sâha-i vücûd ve kâffe-i nâsa mûcib-i ferâh-ı nâ-maʿdûd olup bâkûre-i gülzâr-ı saltanat olduğuna binâen bâdî-i emirde top şenliği ile emr-i vilâdet iʿlân ve yedi gün yedi gece şehr-âyîn ile izhâr-ı sürûr-ı bî-pâyân kılındığı akībinde deryâ donanması dahi fermân ve bu keyfiyetten herkes şâd-mân kılındığımdan başka bu meserret-i (35a) nâgeh-zuhûrdan memâlik-i mahrûsede sâkin havâss u avâm hissemend-i ferhat ve ibtisâm olmak irâdesiyle her tarafa neşr-i ahkâm kılındı.