Kethüdâlık câh-ı refîʿine zînet veren Esseyyid İbrâhim Efendi Câmiʿ-i eştât-ı mehâsin-i hasâil ve dânende-i dakāyık-ı ahvâl-i evâhir ve evâil, müdebbir ü hüşmend ve âlim tavrına dil-bend iken âfâk ve enfüsü velvele-gîr eden sît-i bülendi sadrıazama tevlîd-i tahayyülât ve evhâm ve iş bu Zilkade'nin onsekizinci günü mûmâileyhi kethüdâlıktan azl ile pâ-beste-i efkâr u allâm edüp ordu-yi hümâyûnda meclisine ârâyiş ve kelimât-ı bî-esâs ile tabʿına güşâyiş veren Defter Emîni İbrâhim Nazif Efendi'yi o makām-ı hatîre te'hîl ve kethüdâlık hilʿati ile ser-i iʿtibârını kulle-i feleke tavsîl eyledi.