Şevval'in dokuzuncu günü tevcîhâta şurûʿ olunup hademe-i Bâb-ı âsafî ve defterdârân takrîr ve ibkā ve defter emâneti ile reis-i sâbık İbrâhim Münib Efendi ve rûznâmçe-i evvel mansıbı ile Esmâ Sultân kethüdâsı Mehmed Efendi irzâ olunup darbhâne emâneti ile sâhib-i ayâr-ı sâbık Hâfız Efendi'nin nakd-i ikbâli râyic ve matbah emâneti ile sâbıkā Tersâne Emîni Mustafa Efendi mübtehic ve arpa emâneti ile Veli Ağazâde Ali Ağa şâdân ve sipâh ağalığı ile Selim Ağa handân ve silahdâr ağalığıyle Köprülüzâde Abdülvâhid Bey ferhân oldu.