Yenikapı Mevlevîhânesi'nde seccâde-nişîn-i irşâd ve mürebbî-i erbâb-ı istiʿdâd olan Ebubekir Efendi bir müddetten berü tenevvüre-nişîn-i emrâz-ı gûnâ-gûn ve nây-i gülû-yı hayâtı giriftâr-ı ser-pençe-i reybü'l-menûn olup semâʿhâne-i dünyâ çeşmine teng ü târ ve iş bu Recebülferd'in beşinci gecesi kudûm-zen-i semt-i dârü'l-karâr oldu. Şeyh-i mûmâileyh dânende-i usûl-i tarîk ve ârif-i vâdî-i tahkîk müstağrak-ı cezebât-ı Rabbânî ve mümtesil-i evâmir-i Sübhânî hakkında kerâmet-i me'mûl-i fâiz niʿmet-i resîd ki ve vusûl-i bir pîr-i makbûl idi.