Revnak-efzâ-yı sadr-ı Anadolu olan Dürrîzâde Esseyyid Mehmed Atâullah Efendi müddet-i örfiyyesin itmâm ve Mollacıkzâde İshâk Efendi sadâret-i mezkûre ile kesb-i izz ü ihtişâm eyledi. İshâk Efendizâde Şerîf Esseyyid Yahyâ Efendi bir cihetle iddiʿâ-yı kadem ve zâtında şeyhülislâmzâde bir pîr-i muhterem olduğuna binâen müteahhiren Anadolu pâyesiyle mükerrem olup Çelebizâde Mehmed Esʿad Efendi Ramazan gurresinden zabt etmek üzere Edirne kazâsıyla mütebahtir ve Mısr-ı Kahire kazâsıyla Saʿîd Efendizâde İbrâhim Nedîm Efendi (26b) müstebşir oldu.