Mûmâileyhin mevkūfât mansıbı ile dâire-i hümâyûndan tebʿîdi, bâlâda bast u ifâde olunmuşidi. Eyyâm-ı ikbâlinde olan kuvvet ve taraf-ı hümâyûndan tarafına verilen ruhsata nazaran hâricde olan menâsıb-ı devletin birinde istihdâm olunacağını zâhir-i bî-nân-ı avâm tahayyül ve bu havâdis giderek beyne'l-kibâr tedâvül edüp katʿ-i lisân-ı nâs içün bir mahalle tağrîb olunmasını baʿzı hayrhâhân-ı saltanat taraflarından ilkā ve mâh-ı Safer'in yirminci günü ehl ü iyâliyle maskat-ı re'si olan İzmir'e nefy ü iclâ olundu.