Musâlaha sebebi ile istirdâd olunan Hotin kalʿasını taʿmîr ve sükkânını cemʿ ile yenbûʿ-ı adl ü dâdı tefcîr bir vezîr-i rûşen-zamîre muhtâc olduğu havâlî-gerd-i zamâ'ir-i erbâb-ı tedbîr olduğuna binâen sâbıka kā'immakām olan Vezîr Melek Mehmed Paşa müdebbir ü cerî ve bu hidmetin eri olmağın iʿmâr ve muhâfaza-i kalʿa siperde-i ʿuhde-i hamiyyeti kılındığından fazla İnebahtı Sancağı ile Yenişehir'de mukīm ve muntazır-ı inâyet-i muhyi'r-remîm olan Vezir İsmail Paşa'nın esbâb-ı vezâreti tecdîd ve tanzîm olunup Bender muhâfazası şartıyla Kırşehir Sancağı mîrimîrândan Muhtar Paşazâde Mehmed Paşa'ya ihâle ve Rakka vâlisi Osman Paşazâde Mehmed Paşa'nın eyâlet-i Sivas ile endûh u seameti izâle olunup selefi Hafız Mustafa Paşa'ya Rakka Eyâleti tasvîb ve ber-vech-i mâlikâne Kânkırı Sancağı tevcîhiyle Vezîr Esseyyid Ahmed Paşa tatyîb olundu.