Efendi-i mûmâileyh erbâb-ı fazl ve maʿârifden olduğuna binâen kudât-ı asâkir dâirelerinde tezkirecilik ve sâ'ir hidemâtda müstahdem olup Sadr-ı Rum-ı esbak Abdullah Efendizâde Esad Efendi'nin tezkireciliği hengâmında kudât kethüdâsı olan (14b) Kasım Efendi mûmâileyhi muzga-i efvâh-ı enâm ve mevzûʿ-ı bahs-i hâss u ʿâm eylediğine binâen mâh-ı mezbûrun onbeşinci günü li-ecli't-tedîb mûmâileyh Limni'ye ve Kasım Efendi Magosa'ya tagrîb ve Abdullah Efendi Nazm: "Gaynî cenâ ve ene'l-muʿâtebi fîkum fe-ke'ennenî sibâbetü'l-mütendemi" makāliyle gûyân cezîre-i mezkûreye revân ve Kasım Efendi dahi [Mısraʿ]: "Çünki takdîr çünîn est çe tedbîr künem" mefhûmuyla terennüm-sâz ve Magosa'ya mikzâf-cünbân-sûz ü güdâz oldu.