Boğazhisâr Serʿaskeri Kapudân-ı deryâ Vezîr Hasan Paşa'nın mişvârı maʿlûm ve saʿâdet-i tâliʿi mücerreb ü mefhûm olduğuna binâʾen, sefer-i hümâyûnda istihdâmı havâlî-gerd-i zamîr-i Şehriyârî olduğuna binâʾen, ʿÖmer Paşa'dan münhal olan Anadolu Eyâleti, tarafına tevcîh ü ihsân ve yetmiş beş bin guruş imdâdıyle tekmîl-i noksân eyle- yerek, mükemmel kapu halkı ile Ordu-yı hümâyûn tarafına ʿatf-ı ʿinân etmişidi. Ramazan evâsıtında Meştây-ı Şumnu'ya dâhil ve Serdâr-ı ekrem hazretleri'nin şeref-i mülâkātlarıyla fahr u mübâhâta nâyil olup, Ruscuk havâlîsinde vâkiʿ Mertin [Marten] maʿberinden baʿzan aʿdâ berü taraflarda rû-nümâ olmak haysiyyeti ile Ruscuk Serʿaskeri nasb olunması iktizâ etmekle, ramazânın on altıncı günü cânib-i mezbûr Serʿaskerliği'yle mümtâz ve taraf-ı Sadâret-penâhî'den bir re's esb-i müzeyyen ile serefrâz kılınup, bir iki gün zarfında umûrunu [M2 290] rü’yet ile ıtlâk-ı zimâm-ı ʿazîmet eyledi.