İbtidâ cülûs-i mülûkânelerinde, Dâmâd-zâde Feyzullah Efendi makām-ı İftâ'da bulunup, çok geçmeden Mehmed Sâlih Efendi câh-ı refîʿ-i İftâ ile şeref-mend ve bir müddetden sonra Çelebî-zâde ʿAsım Efendi mesned-i Meşîhat'le ser-bülend olup, bir sene murûr etmezden mukaddem vefât ve katʿ-ı mesâfât-ı hayât edüp, Veliyyüddin Efendi'nin kāmet-i liyâkati kabâ-yı Fetvâ'ya sezâ görülüp, vakt-i mukadderini baʿde'l-istîfâ Karabekir Efendi-zâde Ahmed Efendi nesek-sâz-ı umûr-i ʿulemâ olup, bundan sonra Dürrî-zâde Mustafa Efendi iki sene kadar hutûb-i Fetvâ ile müştağil ve surûf-i rûzgâr ile yerine Pîrî-zâde ʿOsmân Efendi müntakil ve ol dahi yedi sekiz mâh zarfında savb-ı ʿâlem-i bekāya mürtahil olup, Mîrzâ-zâde Mehmed Saʿîd Efendi o makām-ı ʿâlî ile tebcîl ve baʿdehû mansıb-ı refîʿ-i Meşîhat-i İslâmiyye Şerîf-zâde Mehmed Monla Efendi'ye tahvîl olunduğu hengâm, Şehriyâr-ı enâm huld berîni makām eyledi.