Ağa-yı mûmâ ileyh Yergöğü'de vâkiʿ maʿreke-i hevl-engîz ve Silistire'de [M2 272] zebâne-keş-i iştiʿâl olan âteş-i ceng ü sitîzde ikdâm u gayreti meşhûd-i sagîr u kebîr ve merâtib-i ʿâliyeye her vechile lâyık u cedîr olduğuna binâ'en, bilâ-mûcib Vezîr Süleyman Paşa ʿazl ve yerine nakl olunmuşidi. Emsâline kıyâsen nüfûzuna kuvvet ve iʿtibârına mezîd-i şân ü şöhret verilmek mekāsıdıyla, şaʿbân-ı şerîfin on beşinci günü Ağalık inzımâmıyla gāyet-i rütbe-i beşeriyye olan câh-ı vâlây-ı Vezâret'i tahsîl ve cemʿ-i riyâseteyn ile esbâb-ı ihtişâmı tekmîl eyledi.