Serdâr-ı ekrem hazretleri ʿan-asl Rumeli kutrunda kesret-i seyr ü hareketle zî kudret olanlarını ihtibâr ve tehammüllerine göre mîrî verüp, meştâya tertîb ve bir ân akdem Ordu-yi hümâyûn'a vusûllerini işʿâr buyurmuşlar idi. Emr-i ʿâlîye imtisâl ve erbâʿîn içinde fevc fevc meştây-ı hümâyûna ittisâl ve alây gösterdikden sonra serhadlere tefrîk u irsâl bu cumûʿun efrâdından Çatalcalı Ali Ağa, Balya Boğazı'na me'mûr ve altı mâh kadar o mahalde askerini tefrîk etmeyerek, emr-i muhâfazada sarf-ı makdûr eylediği maʿlûm-i Sadru's-sudûr olduğundan başka, Vezâret'e istihkākı maʿlûm ve hidemât-ı devlete liyâkati meczûm olup, gurre-i Şevvâlde rütbe-i vâlây-ı Vezâret ile nâyil-i aksa'l-gāye-i menzilet ve müceddeden mansıb verilen Eğriboz'a kādime-cünbân-ı ʿazîmet oldu.