Nemçe ve Prusya elçileri Hezargrad'dan mufârakat ve Ordu-yi hümâyûn'a ve andan Âsitâne'ye maʿan teveccühleri husûsuna her ne kadar Devlet-i ʿaliyye murahhasları tarafından saʿy olunduysa dahi, sulhun ʿadem-i inʿıkādından izhâr-ı te'essür u haclet ile tevkīfleri [M2 235] mümkin olmayup, ol savb-ı şeref-evbe râhile-bend-i ʿazîmet olmuşlar idi. Zikr olunan murahhasların dahi Ordu-yi hümâyûn'da maslahatları kalmayup, tahsîl-i izn ü ruhsat ile anlar dahi Âsitâne-i saʿâdet'e ʿavdet ve gelüp gitmeleri mîrîyi beş altı yüz kîse rahnedâr etdiği sübûtyâfte-i sıhhat-ı rivâyetdir.