Zağarcı-başı Sâlih Ağa Yeniçeri Ağası Vezîr Süleymân Paşa'nın bergeşîdesi iken, eşkıyânın katlinde semt-i ifrât ihtiyâr olunup: “Aralıkda bî-cürm ü günâh [M2 218] niçe kimseler mazhar-ı demâr u tebâh olunayor” kelâm-ı vahîmü'l-encâmıyla nâtıka-perdâz ve Kul Kethudâsı'nı hem-râz ederek, ser-rişte-i güft ü gûyu dirâz eyledikleri vâkiʿ ve gayr-i vâkiʿ Ağa Paşa tarafından cânib-i Sadâret-penâhî'ye ilkā ve lüzûm-i tebʿîdlerini îmâ etmekle, inhâsı semʿ-i kabûl-i Sadr-ı mekârim-şümûle mevsûl ve mukaddemâ Bazarcık tarafına me'mûriyyetle def-i eşkıyâda zuhûra gelen hidmeti resîde-i mevkiʿ-i hüsn-i kabûl olan sâbıkā Zağarcı-başı Halîl Ağa, Kul Kethudâsı ve Seksoncu-başı bulunan Yeğen Mehmed Ağa, Zağarcı-başı nasb u taʿyîn ve merkūmlar belây-ı lisân ile birer mahalde temkîn olundu.