Sunûf-ı askerînin bin yüz altmış kîse-i rûmîden ʿibâret olan bir kıst mevâcibleri Serdâr-ı ekrem sahrâya çıkdıkdan sonra ocağluya taksîm ve eltâf-ı Şâhâne ol vechile taʿmîm kılınup, hıdmet-i mezkûre istikmâl kılındığı, maʿrûz-ı südde-i Şehriyâr-ı Cem-hısâl kılınmışidi. Silahdâr-ı hazret-i Tâcdârî ʿAbdullah Ağa vesâtatıyla muʿtâd olan teşrîfât ve hatt-ı hümâyûn şeref-resân vürûd olup, Sadr-ı bedîʿu'l-fiʿâl teşrîfât-ı müstelzimü'l-meserrâtı hutuvât-ı iclâl ile istikbâl ve mefhûm-ı hatt-ı şerîfi cümleye iblâğ ile şevk u rağbetlerin iksâr ve teşekkürü mutazammın takrîr ile Silahdâr Ağa'yı mutayyab ü memnûn Âsitâne-i saʿâdet'e tesyâr eyledi.