Nişancı ʿAbdullah Efendi iki üç seneden berü tehammül ü ʿusâ-i sefer ve ke'âbet-i münkaleb ile ʿalîl ve Âsitâne-i saʿâdet yoluna nigâh-endâz-ı hasret olarak her zemân gûyây-ı “hel min sebîl” olmuşidi. Rikkat-i hâl ve şeybine merhamet ve Âsitâne-i saʿâdet'e gitmek üzere nâyil-i izn ü ruhsat kılınup, beher sâl tarafına verilen üç bin beş yüz guruş mevkūf akçası kemâ-kân tarafına ihsân ve zilhiccenin on dördüncü günü münhal olan mansıbı ile Rıfat Ahmed Bey ferhân kılınup, Anadolu Muhâsebeciliği ile Kabakulak Yeğeni Süleyman Bey tebcîl ve mutasarrıf-ı sâbıkı olan Re'fet Mustafa Efendi mülâhaza-ı nemâ ile Cebeciler Kitâbeti'ne tenzîl olundu.