Kısteyn mevâcibi tevzîʿ u taksîm ve mesârıfât-ı seferiyyeye akçanın lüzûmu dahi maʿrûz-i dergâh-ı Şehriyâr-ı cemm-i hadîm kılınmışidi. Bu defʿa Kapucular Kethudâsı Sâlih Ağa ile beş yüz kîse teşrîfât-ı hümâyûn Muʿasker-i Cihândârî'ye tekarrub eylediği ihbar ve der-ʿakab Mehterhâne ile îfây-ı resm-i istikbâle ibtidâr olunup, Sadr-ı vakūr teşrîfât-ı seniyye-i Cihândârî ile mesrûr ve Defterdâr Efendi'ye dahi vürûd-i hazîne ile hiffet-i maslahat meysûr oldu. Tulça vakʿası sâmiʿa-güzâr-ı hazret-i Tâcdârî olmakdan nâşî, renciş-i hâtır-ı mülûkânelerine bâdî ve tenbîhât ü tergībâtı hâvî üç kıtʿa hatt-ı mehâbet-makrûn sudûruna sebeb-i ʿâdî olup, Re’îsülküttâb Efendi cehren kırâʾetine leb-i cunbân-ı şurûʿ ve meʾâl-i rikkat-iştimâlinden herkes müteʾessir ü cezûʿ oldu.