Mevsim-i şitâ karîn-i ınkızâ ve düşmen-i dîn birkaç tarafdan Memâlik-i mahrûse'ye [M2 152] itâle-i pây-i tecâvüz ile mübâşir-i harb ü gavgā olup, meştây-ı Ordu-yi hümâyûn'da asker her ne kadar ekall-i kalîl ise dahi, esbâb-ı teheyyüʿ ve hareket hâricden gelecek askere iʿlân ü işâʿat olunmak içün mâh-ı muharremin ikinci günü tûğ-ı Âsafî ocak ağaları maʿrifetiyle rekz olunup, etrâf ü eknâfa haberler irsâl ve vürûdu muntazar olan cünûd-i muvahhidîne ifâde-i hâl zımnında irsâl-i misâl-i lâzimu'l-imtisâl kılındı.