ʿAn-asl fevz ü zafer ve mecârî-yi umûr-i beşer bâz-beste-i ahkâm-ı kader olup, hâyız-ı gımâr-ı umûr-i ʿizâm olanlara isnâd-ı kusûr, hayyiz-i insâfdan dûrdur. Niʿam-perverde-i düvel olanların ekserîsi umûr-i devletlerini ber vefk-i merâm temşiyete kıyâm ile tahsîl-i [M2 84] nîk-nâm kaydında oldukları ekser-i ahyân nümâyân iken, merâtib-i sâmiye-i devlete nâyil olanlar min tarîki'l-ûlâ bu mesleğe iktifâ ile zemânlarında sebeb-i şeyn ü ʿâr ve bâʿis-i sukūt-i iʿtibâr olacak mekkâre umûrdan ictinâb edegeldikleri, mücerribân-ı ahvâl-i rûzgâra be-dîdârdır.