Ordu-yi hümâyûn hazînesine bundan akdem firistâde kılınan hazîne mevâcib ve sâyir metâlibe sarf olunup, akçaya mess-i ihtiyâç maʿrûz-i bâr-gâh-ı sâhib-i taht ü tâc kılınmışidi. Bu defʿa dahi dört bin kîseye karîb meblağ, Hazîne-i hümâyûn'dan ifrâz ve Ordu-yi zafer-bûy hazînesine irsâl ile gürûh-i müstevfiyân, âzâde-i muzâyaka vü işmi'zâz kılındı. Gazâ vü cihâda hass ü igrâ zımnında taraf-ı Cihânbânî'den teşrîfât-ı seniyye-i mashûb bir kıtʿa hatt-ı belîğu'l-üslûb şeref-rîz-i vürûd olup, fermân ʿalâ rü'ûsi'l-eşhâd kırâ'et ve teşrîfât-ı hümâyûn ile Sadr-ı vâlâ-menkabet hâyiz-i rehîne-i envâʿ-ı meserret oldu.