Mevsim-i behâr tekarrub ve asker-i İslâm teharrub etmeye başlayup, erbâb-ı şûrâ tûġ-i zafer-furûgun ihrâc ve rekzini istisvâb ile vücûh-i mehâsin iddiʿâ eylediklerine binâ'en, zilhiccenin altıncı yevm-i ahad, huzûrları muʿtâd olan zâbitân ve sâyir erkân-ı Devlet Serây-ı Serdâr-ı ekremî'ye daʿvet ve ihrâc-ı tûġ resmine riʿâyet olunup, yirmi dört günden sonra Kethudâ Bey ve Konakçı Paşa maʿrifetleriyle Babadağı halîcinin cânib-i şarkīsine nasb ve bu sebeble pey-der-pey asker-i etrâf celb olundu.