Mûmâ ileyhimânın vukūʿ bulan meʿârikde hasbe'l-imkân sarf-ı mechûd eyledikleri meşhûd olduğuna binâ'en, rütbe-i Vezâret'e suʿûdları Serdâr-ı ekrem hazretleri tarafından ʿarz-ı dergâh-ı Hilâfet-penâhî kılınmağla, niyâzı müsâʿade-i Seniyye'ye makrûn ve ikisine bir günde Vezâret ihsânıyla kadr u iʿtibârları vâsıl-ı çarh-ı nîlgûn oldu. Müşârun ileyhimâ Kalas vakʿasında bulunup, hezîmetleri günü Vezâret'e nâyil olmaları beyne'n-nâs güft-gûya bâʿis ü ʿillet ve hudûs-i urcûfe vü ekâzîbe sebeb ü âlet oldu.