Asker-i İslâm'ı tevhîm ve işgāl kasdıyla Özi Kalʿası etrâfına bir mikdâr Kazak ve katana irsâl eyleyüp, hazm ü ihtiyâta riʿâyeten asker ve akça talebini mutazammın Özi Muhâfızı Vezîr Süleymân Paşa ve Defterdâr ve sâ'ir zâbitânın Ordu-yi hümâyûn'a ʿarîzaları gelmekle, İsmâʿîl ve Kili taraflarından üç bin kadar dalkılıç tahrîrine ruhsat verildiğinden başka, sâyir Yeniçeri ve Cebeci ve Topçu ocağlarından iki bin piyâde o tarafa firistâde ve taʿyînât-ı asâkire medâr olmak içün Özi Defterdârı tarafına dahi yirmi beş bin guruş irsâliyle matlûblarına müsâʿade olundu.