Hıdemât-ı seferiyyede izhâr-ı sadâkat etmek irâdesiyle Boğdan Voyvodası nasb olunan Ligor'a câyize-i muʿayyene inʿâm ve Boğdan'dan mübâyaʿa ve iştirâsı fermân olunan zehâyiri istikmâl etmek meʾmûl-i Sadr-ı vâlâ-makām iken melhûz olan derecede celb-i zehâyir etmediği hasebiyle elsine-i nâsda hıyâneti mezkûr ve bu esnâda [M2 12] ahz olunan delîllerden dahi Moskovlu'ya meyl ü rükûnu mahsûs ve meşhûr olup, fi'l-hâl ʿazl u ihzâr ve Çavuş-başı mahbesine verilüp, delîllerin takrîri rû be-rû kendüye işʿâr olundukda, dâmen-i inkâra teşebbüs ve birkaç gün telebbüsden sonra tafsîl-i hâl Âsitâne-i saʿâdet'e irsâl olunmuşidi. Lede'l-vusûl seyf-i siyâsetle maktûl oldu.