Müşârun ileyh eğerçi bâlâda tafsîl olunduğu vech üzere hizmet-i meşkûreye muvaffak olup, bir müddet dahi iklîm-i Mısır'da kâr-fermâ olmağa lâyık u ehakk idi. Ancak, hücûm-i zaʿf-ı pîrî vü herem ile kaddi ham ve yevmen fe-yevmen ahvâli perîşân ve derhem olup, o makūle devâhî-yi umûra tâb-âver olmayacağı nezd-i evliyây-ı devletde mukarrer olmağla, Mısr-ı Kāhire'den ʿazl ve Rakka Vâlîsi Vezîr Devât-dâr Mehmed Paşa yerine vasl olunup, vâlî-yi cedîd vürûduna dek ikāmeti ve evvel ve âhir zuhûr eden hidmetinin makbûliyyeti ve ümerâ hakkında sebkat eden safvet-i taviyyeti derciyle tarafına ve ümerâya hitâben ısdâr-ı emr-i celîllü'l-iʿtibâr kılındı.