Çıldır Eyâleti, sâbıkā Erzurûm Vâlîsi Vezîr es-Seyyid Nuʿmân Paşa'ya ve Erzurum selefi Vezîr İbrâhîm Paşa'ya; Marʿaş Eyâleti, Vezîr Hasan Paşa'ya; Vân Muhâfazası, Mîr-i mîrândan Tuz Paşa-zâde Ahmed Paşa'ya; Yânya Sancağı ilhâkıyla Çirmen Sancağı, Vezîr Receb Paşa'ya; Vidin muhâfazası, Vezîr Kapu-kıran Mehmed Paşa'ya; Adana Eyâleti, Mîr-i mîrândan ʿAli Paşa'ya cumâde'l-âhırede tevcîh olundu.
Vezîr-i aʿzam Kethudâsı olan Kâşif Mehmed Emîn Efendi, mâh-ı merkūmda terk-i dâr-ı fenâ ve ʿazm-i iklîm-i bekā edüp, Re'îsü'l-küttâb bulunan Hammâmî-zâde ʿÖmer Efendi Kethudâlık mesnedine irtikā ve câh-ı refîʿ-i Riyâset'e, Çavuşbaşı ʿOsmân Efendi iʿtilâ eyleyüp, Çavuş-başılık ile ʿAbdullatîf Bey merreten baʿde uhrâ kâm-revâ oldu.
Tevcîhât-ı vüzerây-ı ʿizâm ve fevt-i Kethudây-ı Sadr-ı ʿâlî Kâşif Efendi ve vefât-ı ʿAvnî Efendi ve vukūʿât-ı sâyire
Attribution
- Citation:
- "Tevcîhât-ı vüzerây-ı ʿizâm ve fevt-i Kethudây-ı Sadr-ı ʿâlî Kâşif Efendi ve vefât-ı ʿAvnî Efendi ve vukūʿât-ı sâyire", Ottoman Text Corpus, Merve Tekgürler, https://mervetekgurler.github.io/ottoman_text_corpus_website/items/ave1752_603.html
Item Details
- Title:
- Tevcîhât-ı vüzerây-ı ʿizâm ve fevt-i Kethudây-ı Sadr-ı ʿâlî Kâşif Efendi ve vefât-ı ʿAvnî Efendi ve vukūʿât-ı sâyire
- Creator:
- Ahmed Vâsıf Efendi
- Date Created:
- 1181
- Source:
- Nevzat Sağlam
- Format:
- text/plain
- Language:
- ota