hevlnâk-i zebânekeş sûy-i sakf-ı eflâk olup, [M1 291] me'mûrlar müsâraʿat ve defʿ-i sirâyet etdilerse dahi zikr olunan hâneden bir şey çıkmayup, bevn-i baʿîdden berü cemʿ olunan sanâdîk-ı tefârîk ve mücevherât-ı hurşîd-berîk ve esâs-ı beyt ve bisât u raht bi'l-külliyye sûzân ve sâhib-i hâne dahi haste bulunup, güc ile semt-i selâmete revân oldu. Yağma-gerân-ı zemân nâr-ı fürûzâna bakmayup, vâfir eşyâ tâlân etmeleriyle, bir mikdârına zafer hâsıl ve kusûru zâyiʿ ve muzmahil oldu. Mâh-ı mezbûrun on beşinci günü Selânik Kazâsı, Dürrî-zâde mahdûmu Mehmed Tâhir Efendi'ye ve Halebü'ş-şehbâ, Kethudâ-zâde Mehmed Sâdık Efendi'ye ve İzmir, Hekîm-başı Saʿîd Efendi-zâde İbrâhîm Nedîm Efendi'ye tevcîh olundu.