İki mücelled-i dahmdan ʿibâret olan Hâkim Târîhi, fazl-ı Îzed-i bî-minnet ve himmet-i Şehriyâr-ı Felâtun-fıtnat ile müceddeden kaleme alınup, nüsha-i asliyye fihris sûretine tenzîl ve lâzımü't-tahrîr olan mâddeler ibkā ve şâyân-ı nazar olmayan keyfiyyetler ilgā ve tabtîl olunup, nevâdir-i hikâyât ve garâyib-i kinâyât ile zînet-yâb ve ʿavâmm ü havâssa elverecek bir kitâb olup, lede'l-muʿâraza Târîh-i ʿâcizânemin meziyyeti maʿlûm ve kadr-ı dürr ü hazef-i mefhûm olacağı meczûmdur. Devlet-i ʿaliyye-i ebediyyü'l-istimrârın on yedi senelik vekāyiʿi üftâde-i tâk-ı nisyân olup, nazar ü iʿtibâra şâyân değil iken, Şehriyâr-ı sütûde-hısâl, Dânende-i kadr-ı erbâb-ı kemâl, Cihân-bahş ve Deryâ-cûd, Vâkıf-ı esrâr-ı gayb ü şühûd, Pâdişâh-ı hulefâ-reviş, Hakān-ı İskender-meniş hazretlerinin tahrîk-i âb-rûy-i Şâhâne'leri ile dört mâh müddetde terk-i râhat ve bezl-i cehd ü tâkât ile şîrâze-gîr-i hıtâm ve zîb-ârây-ı mıstara-i hüsn-i nizâm olup, [mısrâ]: