Dâniş Süleymân Efendi ʿazlinden Cebeciler Kitâbeti ile Hâkim Efendi mesrûr ve ʿÂkif Bey ʿazlinden Teşrîfâtcılık ile Vahdetî Ebûbekir Efendi manzûr-i sadru's-sudûr oldu. Tertîb-i dîvân ʿan-asl istimâʿ-ı dâd-ı mazlumân içün mevzûʿ ve bu ʿâdet-i hasene bir zemândan berü metrûk ve merfûʿ olduğuna binâ'en, beher sülesâ günü yaʿnî haftada bir kerre dîvân tertîbine irâde-i Şâhâne cereyân eyledi. Yenişehir'den munfasıl ʿAbdullah Efendi-zâde ʿAbdulvâhid Monla, Edirne Kazâsı ile tevsîʿ-i dâ'ire-i şân ve Çelebi-zâde mahdûmu Mehmed Esʿad Efendi, Galata Kazâsı ile kesb-i debdebe vü ʿunvân eyledi.