Müjde-i mühr-i Sadr-ı esbak, Mustafa Paşa'ya vusûl buldukda Haleb'den hareket ve işbu cumâdelâhırenin ikinci günü Üsküdar'a gelüp, şiddet-i şitâ hasebiyle yemeklik ʿafv ve Şeyhülislâm Efendi'yle sandal-süvâr olarak ʿatebe-i ʿulyâ-yı Şâhâne'ye vazʿ-ı cebîn-i darâʿat eyledikde, ferve-i Vekâlet-i kübrâ ile dördüncü defʿa Sadru'l-vüzerâ olup, kapuyu teşrîf ve ʿumûm hılʿatleriyle ashâb-ı menâsıbı taltîf eyledi.