mefhûmu üzere mansıbı selefi es-Seyyid Ahmed Ağa'ya teveccüh eyledi. Şehr-i rebîʿulevvelin on ikinci günü muʿtâd üzere Hâkān-ı Sâmî-mekân Sultân Ahmed Hân Câmiʿ-i şerîfine hatve-cünbân-ı [M1 217] ʿizz ü şân ve istimâʿ-ı mevlid-i hazret-i Nebevî ile müktesib-i feyz-i firâvân oldu. Ağa-yı Dârü's-saʿâde Yazıcısı olan Seyyid ʿAlî Efendi'nin ecel-i müsemmâsı hulûl ve evâsıt-ı şehr-i mezkûrda mihmânhâne-i âhirete nüzûl eyleyüp, İshâk Ağa dâmâdı Ahmed Efendi, o hidmet-i refîʿaya mevsûl oldu.