Nevbâve-i nahl-i hadîka-i Sultânî ve gül-i sadberg-i çemenzâr-ı civânî Hibetullâh Sultân hazretleri üç sene kadar ʿâlem-i fânîde tenaşşuk-ı nesîm-i hayât ve muʿâyene-i eşhâs-ı kâyinât eyleyüp, bu esnâda verd-i mutarrây-ı vücûd-ı nâzenînleri hazân-dîde-i rûzgâr-ı zûrkâr ve zilhicce evâsıtında murg-ı rûh-ı şerîfi pervâz-ı semt-i dâru'l-karâr eylediği sâʿat, muʿtâd üzere Sadrıaʿzam ve Şeyhulislâm ve sâyir huzûrları resm olan zevât-ı kirâm naʿş-ı mağfiret-nakşı etrâfını ihâta eyleyerek müceddeden binâsına şurûʿ olunan Lâlelî Türbesi'nde o Sultân-ı nâ-kâmı vedîʿa-i mehd-i lahd eylediler.